Крекиќ: Членството на ЛИС во ЕЛФ отвара можности за поквалитетна поддршка на процесот за македонското членство во ЕУ

Квалитетот и работата на Либералниот Институт Скопје потврдени на европско ниво преку членството во Европскиот Либерален Форум, асоцијација на над 50 престижни институти, тинк тенкови и здруженија на граѓани од Европска Унија, кои работат на промоција на либералните вредности во Европа со поддршка на Европскиот Парламент.

– Членството на Либералниот Институт Скопје во ЕЛФ отвара можности за поквалитетна поддршка на процесот на преговарање за македонското полноправно членство во ЕУ, особено имајќи ја предвид важната улога која либералните сили предводени од ЛДП ја имаат на национално и локално ниво. Во соработка со партнерите од ЕУ, Инстиутот ќе работи неуморно да ги етаблира долгорочно вредностите на либералната демократија врз која е изградена самата Унија каде претендираме да бидеме рамноправно интегрирани, вели Санда Крекиќ, директорка на Либералниот Институт Скопје.

На Генералното Собрание на Европскиот Либерален Форум за нова претседателка на Форумот е избрана Хилде Ваутманс, европратеничка – членка на Групата Обнова на Европа (Renew Europe), од редовите на белгиските либерали Open-VLD.